வளமையான் இந்தியாவிற்காக!!
Fellow blogger friends. My project is moving on to a critical phase over the next two weeks, so I may not write frequently for the next 2 weeks. So I wanted to write this post in Tamil, people who know tamil read it as usual, leave your comments and have a terrific week ahead! :)

"எனது வீடு, எனது வாசல் என்ற வாழ்க்கை நியாயமா!?", என்ற எண்ணம் என்னை வெகு நாளாய் துன்புறுத்த, நமது தாய் திருநாட்டை மேம்படுத்த என்ன செய்ய வேண்டுமென்று யோசித்தபோது(தனி மனிதனின் வளர்ச்சியே நாட்டின் வளர்ச்சி என்றுதிக்க) இதோ 10 உருப்(படாத)படையான யோசனைகள்!

1. தெருவில் குப்பை போடுபவர்கள் முகத்தில், தேர்தல் மையினால் "குப்பை பொருக்கி நாய்" என்று பச்சை குத்த படும். அதுமட்டுமில்லாமல், ஒரு மாதம் அவரவர் வசிக்கும் தெருவை தினம் ஒரு மணி நேரம் சுத்தம் செய்ய வேண்டும்! அவர்கள் உற்சாகமாய் வேலை செய்ய ஒலிநாடா மூலம
"ஒமாகஷியா குப்பை பொருக்கி நாயா குப்பை பொருக்கி நாயா" என்று காக்க காக்க ஸ்டைலில் பாடல் ஒளிபரப்ப படும்!
2. வகுப்பறைகளில் திருட்டுத்தனமாய்
"கற்க கசடற கல்கி குமுதம் - அதன்பின்
விற்க பாதி விலைக்கு!"
என்ற கொள்கை கொண்டு, பலப்பல புத்தகங்களை படிக்கும் மணவ மாணவிகள் கடுமையாக தண்டிக்கபடுவார்கள்! அப்படி பிடிபடுபவர்கள் - தங்கள் வட்டத்தில் படிப்பறிப்வில்லாத ஏழை சிறார்களுக்கு இலவசமாய் 6 மாதம் பாடம் சொல்லித்தர வேண்டும்!
3. டாவடிப்பவர்களும் தண்டிக்கபடுவார்கள்! பெண்களை டாவடிக்கும் ஆண்கள் தான் டாவடித்த பெண்ணின் காலில் காலையும் மாலையும் 10 முறை ஷாஷ்டங்கமாய் நமஸ்காரம் செய்ய வேண்டும்! இப்படி தொடர்ந்து ஒரு வாரம் செய்வதன் மூலம் அவர்கள் அம்மாவின் ஆசி பெறுவார்கள் என்பது குறிப்பிடத்தக்கது! ஆண்களை டாவடிக்கும் பெண்கள் தினமும் காலை 500 புள்ளி கோலம் போடவேண்டும்! இப்படி தொடர்ந்து ஒரு மாதம் செய்வதன் மூலம் - Pizza தின்று கொழுப்பேறிய அவர்கள் உடல் குறைவதோடு இல்லாமல், நமது பாரம்பரியம் காக்கவும் கற்றுக்கொள்கிறார்கள்!
4. சாப்பாடை வீணாக்குவர்கள், "தினம் ஒரு குறள்" போல தினம் ஒரு உரல் மாவு அரைக்க வேண்டும்! அவர்கள் உற்சாகமாய் மாவரைக்க
" அரிது அரிது தோசை மாவை அரைத்தல் அரிது - அதனினும் அரிது
புழுக்கள் நீங்கிய நல்ல மாவை அரைத்தல் அரிது!" என்று அவ்வையாரின் வழியில் பாடல் ஒளிபரப்பபடும்! இப்படி அரைத்த மாவை உணவகங்களுக்கு சென்று விற்க வேண்டும் - இதன் மூலம் வியாபார உத்திகளையும்(Business Management) கற்றுக்கொள்வார்கள்!
5. கண்ட இடங்களில் உச்சா போபவர்கள் கடுமையாக் துண்டிக்க -மன்னிக்கவும் தண்டிக்கபடுவார்கள்! அப்படி பிடிபவர்கள் ஒரு மாதம் மாட்டுத்தொழுவத்தில் சாணி அள்ள வேண்டும்! இந்த ஒரு மாத காலத்தில் மாடு மூச்சா போனால் TR style'லில்
"ஒண்ணுக்கு போகாது மண்ணுக்கு,
தீர்த்தமடா என் கண்ணுக்கு!"
என்று பாடியவாறே கண்களில் கோநீரை ஒற்றிக்கொள்ள வேண்டும்! இவ்வாறு செய்வதன் மூலம் "சுத்தம் சோறு போடும், கூடவே கழிவும் போடும்" என்பதை உணர்வார்கள்!
6. குழாயடி சண்டையில் வல்லுனர்களாய் விளங்கும் கர்ணம் மல்லேஸ்வரிகளை தேர்ந்தெடுத்து "கும்மாங்குத்து கண்ணம்மா" என்ற 30 நாள் இராணுவ பயிற்சி கொடுக்க படும்! அப்பயிற்சியின்போது,
"யுத்தமோ உயிரை எடுக்கலாம்,
ரத்தமோ தந்தால் உயிரைக் காக்கலாம்,
சத்தமே கிழிக்கும் காதுகளை -
நித்தமே வேண்டும் இத்திருநாட்டில் அமைதி!"
என்ற தேசப்பற்று மிக்க பாடல் கற்றுக்கொடுக்கப்படுவார்கள்! இதன்மூலம் அவர்கள் தேசப்பற்று அதிகமாவதுடன், "மாதர் தம்மை இழிவு செய்யும் மடையர்களையும்" பந்தாடலாம்!
7. ரிக்ஷாகாரர்களோ,கூலித்தொழிலாளிகளோ, ஆட்டோ ஓட்டுனர்களோ தங்கள் பிள்ளைகளை பாடசாலைகளுக்கு படிக்க அனுப்பினால் அவர்களுக்கு மானியமாக 500 ரூபாய் மாதம் வழங்கப்படும்!
8. முதியவர்களுக்கு நிதியுதவி செய்யும் நல்லுள்ளங்களுக்கு வரிவிலக்கு அளிக்கப்படும்!
9. நம் நாட்டை காக்கும் முக்கிய பொருப்பு காவல்துறை அதிகாரிகளுக்குண்டு. அவர்களின் ஊதியத்தை உயர்த்தி, தொப்பையை குறைத்து, லஞ்சம் வாங்காது, வாங்குபவர்களை காட்டிக்கொடுத்து நேர்மையாக பணிபுரிபவர்களுக்கு மாதமொரு முறை வட்ட வாரியாக "வீரப்பதக்கம்" அளிக்கலாம்! அதுபோல, ஆசிரியர்களின் ஊதியத்தையும் உயர்த்த வேண்டும்! மாநிலம் முழுவதுமுள்ள அனைத்து பள்ளி மற்றும் கல்லூரிகளில் வசூலிக்கும் கட்டணத்தில் 3% ஆசிரியர்களின் ஊதியத்திற்கு ஒதுக்க வேண்டும்!
10. மனதிலுறுதி இருந்தால் மட்டும் போதாது, உடலிலும் உறுதி வேண்டும்.
அனைத்து பள்ளி மற்றும் கல்லூரிகளில் கட்டாய உடற்பயிற்சி வேண்டும்! நாளைய சமுதாயம் வளமையாய் மாற, மன உறுதி மட்டும் போதாது - உடலுறுதியும் வேண்டும்!